Parıj-2024: Qazaqstan qorjynynda Paralımpıda oıyndarynyń qansha joldamasy bar

<p>ASTANA. KAZINFORM &ndash; Búgin Parıj-2024 Olımpıada jáne Paralımpıadaǵa daıyndyq shtaby Dene múmkindikteri shekteýli tulǵalarǵa arnalǵan sporttyq daıarlaý ortalyǵy men Ulttyq Paralımpıada komıtetiniń ókilderimen kezdesti.</p>

Atalǵan vedmstvo málim etkendeı, kezdesý barysynda ulttyq qurama sportshylarynyń Paralımpıada oıyndaryna jeńip alǵan lıtsenzııalar sany, medaldyq jospar, sporttyq forma úlgisi, oqý-jattyǵý jıyndary, aqparattyq qoldaý kórsetý jáne odanda basqa daıyndyq máseleleri talqylandy.

«Elimizdiń para sportshylary jyl saıyn medaldyq kórsetkish boıynsha jańa jetistikterge jetip, el abyroıyn halyqaralyq jarystarda asqaqtatyp júr. Para sportshylarymyzdyń jetistigine laıyqty kóńil bólip, utymdy daıyndyǵyna jaǵdaı jasaýymyz kerek. Osy maqsatta shtab tarapynan barynsha qoldaý kórsetiledi», - dedi shtab basshysy Elsııar Qanaǵatov.

Foto: Sport komıteti

Aıta ketsek, 17-shi jazǵy Paralımpıada oıyndary bıyl 28 tamyz ben 8 qyrkúıek aralyǵynda Frantsııa astanasy Parıjde ótedi. Jarysqa álemniń 184 elinen 4000 myńnan astam sportshy qatysyp, 22 sport túrinen 549 medal jıyntyǵy sarapqa salynady.

Búginde Qazaqstan quramasynyń qorjynynda sporttyń 5 túri boıynsha 10 joldama bar (para paýerlıftıng - 1, para júzý - 3, para taekvondo -3, para jeńil atletıka - 1, voleıboldy otyryp oınaý -1 jáne para kanoe -1 ).

Jospar boıynsha 8 sport túri boıynsha lıtsenzııalardyń sanyn 26-ǵa deıin jetkizý mindeti tur.