Parıj-2024: Qazaq sportshylary Olımpıadada qandaı sport túrlerinen synǵa túsedi

<p>ASTANA. KAZINFORM &ndash; Sanaýly kúnderden keıin, naqtyraq aıtsaq, 26 shilde kúni Frantsııa astanasy Parıjde XXXIII jazǵy Olımpıada oıyndarynyń alaýy tutanady.</p>

Qazaqstan sportshylary búgingi kúnge deıin 25 sport túrinen 92 lıtsenzııa jeńip aldy.

Naqtyraq aıtsaq, boks, dzıýdo, sportttyq gımnastıka, jeńil atletıka, baıdarka men kanoede esý, oqpen atý, semserlesý, grek-rım kúresi, erkin kúres, sadaq atý, stendtik atý, tennıs, veloshosse, júzý, zamanaýı bessaıys, taekvondo, velotrek, batýt gımnastıkasy, badmınton, akademııalyq esý, kórkem gımnastıka, trıatlon, ústel tennısi, quzǵa shyǵý jáne breıkıngten Olımpıada oıyndarynda synǵa túsedi.

Jekelegen sport túrleri boıynsha qazaqstandyq boksshylar eń kóp joldamany jeńip aldy.

Erler quramasy Olımpıadaǵa tolyq quramda (7 boksshy), al áıelder quramasynan 3 boksshy jalpy 10 boksshy synǵa túsedi.

Odan keıingi eń kóp joldamany tatamı sheberleri jeńip aldy. Onda erler 5 salmaqta, al áıelder 3 salmaqta el namysyn qorǵamaq. Úshinshi orynda jeńil atletterimiz (7 sportshy) tur.

Ókinishke qaraı, bıylǵy Parıj Olımpıadasyna aýyr atleterimiz ben áıelder kúresinen birde-bir sportshymyz joldamaǵa qol jetkize almady.

Qaı sport túrinen qansha joldama jeńip alǵanymyz týraly tolyq aqparatty kesteden taba alasyz. 

Foto: Kazinform