Nysana kózdeý: Islam Sátpaev pen Aleksandra Le qola júldege talasady

<p>PARIJ. KAZINFORM &ndash; Nysana kózdeýden Qazaqstan komandasy Parıj &nbsp;Olımpıadasynyń &nbsp;irikteý synyn sátti bastady. Búgin pnevmatıkalyq &nbsp;vıntovkamen 10 metrge nysana kózdeýden aralas komandalyq synda Islam Sátpaev pen Aleksandra Le óner kórsetip jatyr. Olar irikteýde úshinshi orynnan kórindi.</p>

Endi fınaldyq kezeńde qazaqstandyqtar qola medalǵa talasady. Bizdiń komandanyń qarsylasy – Germanııa quramasy.

Altyn medal úshin Qytaı men Ońtústik Koreıa mergenderi ózara kim myqtyny anyqtaıdy. 

Al, Konstantın Malınovskıı men Arına Altýhova 27-orynnan kórindi. 

Esterińizge sala keteıik, Búgin Parıjdegi jazǵy Olımpıada oıyndarynda dzıýdo, boks, sporttyq gımnastıka, akademııalyq eskek esý, tennıs, oq atý, ústel tennısi jáne velosporttan sportshylarymyz synǵa túsedi.

Atalǵan sport túrlerinen synǵa túsetin sportshylarymyz arasynda birden medalǵa talasatyndary da, alǵashqy irikteý syndaryna qatysatyny da bar.

Naqtyraq aıtsaq, dzıýdoshylarymyz Ábıba Ábýjaqynova, Eldos Smetov jáne velosportshy Evgenıı Fedorov bastaǵan sportshylarymyz birden júldeli oryndarǵa talasady.