Parıj-2024: Eskekshilerimiz shırek fınalda synǵa túsedi

<p>PARIJ. KAZINFORM &ndash; Frantsııa astanasy Parıj qalasynda ótip jatqan Olımpıada oıyndarynda qazaqstandyq eskekshiler Tımýr Haıdarov pen Sergeı Emelıanov irikteý saıysynda baq synady.</p>

Naqtyraq aıtsaq, Tımýr Haıdarov pen Sergeı Emelıanov eki adamdyq kanoemen 500 metrge synǵa tústi. Nátıjesinde otandastarymyz máre syzyǵyn 1 mınýt 45, 94 sekýnd kórsetkishimen besinshi bolyp kesti. Bul synda alty jup qatysqan bolatyn. Úzdik nátıje kórsetken eki jup jartylaı fınalǵa tikeleı joldama aldy. Tımýr Haıdarov pen Sergeı Emelıanov shırek fınalda synǵa túsý múmkindigine ıe boldy.

Aıta ketsek, osyǵan deıin Sergeı Tokıo Olımpıadasynda, al Tımýr Rıo Olımpıadasynda synǵa túsken bolatyn. Bul Parıj Olımpıadasy eki sportshymyzdyń da ekinshi oıyny.

Esterińizge sala keteıik, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Oıynǵa álemniń 205 elinen 10 500 sportshy qatysyp jatyr.

Olımpıadashylar 32 sport túrinen 329 medal jıyntyǵyn sarapqa salyp jatyr.

Qazir Qazaqstan quramasynyń qorjynynda 1 altyn, 1 kúmis, 2 qola medal bar.