Parıj-2024: AQSh jalpy medaldar sanyn 94-ke jetkizdi
Naqtyraq aıtsaq, AQSh quramasynyń enshisinde 27 altyn, 35 kúmis, 32 qola medal bar. Osylaısha olar ázirge Parıj Olımpıadasynan jalpy 94 medal ıelenip, jeke dara kósh bastap keledi.
Al Qytaı quramasy oladan 2 altynǵa kem. Olardyń enshisinde 25 altyn, 23 kúmis, 17 qola medal bar. Jalpy medaldar sanyn 65-ke jetkizdi.
Úzdik úshtikti ázirge Aýstralııa quramasy túıindep tur. Olarda 18 altyn, 12 kúmis, 11 qola (41) medal bar.
Al Parıj Olımpıadasynda 1 altyn, 3 kúmis, 3 qola (7) medal jeńip alǵan Qazaqstan sportshylary ázirge 28-oryndy qanaǵat tutty. Búgin Parıj Olımpıadasynda 3 memlekettiń qorjynyna alǵashqy júldeleri tústi. Osylaısha Parıj Olımpıadasynan medal alǵan elder sany 72-ge jetti.
Olımpıada qojaıyndary Frantsııa quramasy ázirge tórtinshi orynda keledi. Olardyń enshisinde 13 altyn, 17 kúmis, 21 qola (51) medal bar. Jalpy Olımpıada altynyna 48 memleket, kúmiske 63 el, al qolaǵa 72 el qol jetkizdi.
Esterińizge sala ketsek, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Oıyndarǵa álemniń 205 elinen 10 500 sportshy qatysyp jatyr.
Olımpıadashylar 32 sport túrinen 329 medal jıyntyǵyn sarapqa salyp jatyr.