Parıj-2024: 31 shildede qazaqstandyqtar qandaı nátıje kórsetti

<p>ASTANA. KAZINFORM &ndash; 31 shildede Parıj Olımpıadacynda qazaqstandyqtar sporttyń alty túrinen &ndash; trıatlon, nysana kózdeý, stend atý, boks, ústel tennısi jáne sporttyq gımnastıkadan jarys jolyna shyqty.</p>

Áıelder arasyndaǵy básekede qazaqstandyq sportshy Ekaterına Shabalına da qatysqan bolatyn. Ol jarysty tolyq aıaqtaı alǵan joq. Júzýden 55-oryn alǵan ol velokezeń kezinde jarysty jalǵastyrýdan bas tartty.

Nysana kózdeýden Qazaqstan komandasynyń músheleri Islam Sátpaev pen Konstantın Malınovskıı irikteýden ótken joq. Sportshylar kishi kalıbrli vıntovkaamen úsh pozıtsııada nysana kózdeýden (50 metr) irikteýge qatysqan bolatyn. Sátpaev 588 upaımen 18-oryn alsa, Malınovskıı 586 upaımen jarysty 25-orynda aıaqtady. 

Stend atýdan Marııa Dmıtrıenko fınaldan syrt qaldy. Trap baǵdarlamasy boıynsha irikteýdiń alǵashqy kúninde Dmıtrıenko tórtinshi orynnan kóringen edi. Alaıda ekinshi irikteý kezeńinde otandasymyz bul basymdyqty ustap tura almady. Ol 120 upaımen onynshy satyǵa ornalasty.

Ústel tennısinen Kırıll Gerasımenko Parıj Olımpıadasynyń shırek fınalyna shyǵa almady. Olımpıadanyń 1/8 aınalymynda Gerasımenko Egıpet ókili Omar Assarmen kezdesti. Jeńis 4:2 esebimen qarsylasynyń enshisinde ketti. 

Sporttyq gımnastıkadan Mılad Karım Parıj Olımpıadasynyń fınaldyq synyn aıaqtady. Jekeleı kópsaıysta aıaqtaldy. Mılad Karımı jalpy esebi 76.065 upaı jınady. Jarys nátıjesinde Mılad Karım 24-oryn aldy. Endi Mılad 3 tamyz kúni erkin jattyǵýdan fınalda synǵa túsedi. Al, onyń komandalasy Narıman Kýrbanov 4 tamyz kúni tutqaly at jattyǵýynda óner kórsetedi. 

Bokstan Valentına Halzova men Mahmud Sabyrhan birinshi jekpe-jeginde jarys jolyn aıaqtady.