«Parazıtterde» basty róldi somdaǵan akter kóliginen óli tabyldy

<p>Oskar ıelengen &laquo;Parazıty&raquo; fılminde negizgi róldi somdaǵan 40 jastaǵy akter Lı Son-gıýn sársenbi kúni ózine qol salǵan. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://en.yna.co.kr/view/AEN20231227003652315?section=national/national" target="_blank" rel="noopener">Yonhap</a> agenttigine silteme jasap habarlaıdy.</p>

Oǵan qarsy esirtki qoldandy degen kúdikpen tergeý júrip jatqan bolatyn.

Er adam Seýl ortalyǵyndaǵy saıabaqta tańǵy 10:30-da kóliginen es-tússiz kúıde tabyldy. Keıinirek polıtsııa onyń kim ekenin anyqtady. Jolaýshylarǵa arnalǵan orynda aǵash shoǵynyń brıketi jatty.

Buǵan deıin polıtsııaǵa Lıdiń úıden ketip, ólim aldyndaǵy jazbasyna uqsas hat qaldyrǵany jáne kóligi joǵalyp ketkeni týraly aqparat túsken.

Jyl basynan beri akter Seýldiń Kannamgý aýdanyndaǵy elıtaly barda jumys isteıtin daıashynyń úıinde marıhýana men basqa da esirtki zattaryn paıdalandy degen kúdikpen úsh ret tergeýge shaqyrylǵan.

Akterdiń sózinshe, daıashy ony aldap esirtki tutynýǵa májbúrlegen, ol ne qabyldap jatqanyn bilmegen.

Lıdiń taldaýy polıtsııa tergeýi kezinde júrgizilgen jedel-testte de, ótken aıda Ulttyq saraptamalyq-krımınalıstik qyzmet júrgizgen zerthanalyq testte de teris nátıje kórsetti.

Jaqynda Lı óziniń kinásiz ekenin aıtyp, Inchhonnyń astanalyq polıtsııa basqarmasyna polıgrafta tergeýden ótýge suraý jibergen bolatyn.

Lı túsken «Parazıty» fılmi 2020 jyly «Oskar» syılyǵyn ıelengennen keıin ol álemge tanymal bolyp ketti.