Paravoleıboldan el quramasynyń 9 oıynshysy halyqaralyq dárejedegi sport sheberi atandy

<p>ATYRAÝ. KAZINFORM &mdash; Otyryp oınaıtyn voleıboldan Qazaqstan quramasynyń 9 oıynshysyna halyqaralyq dárejedegi sport sheberi ataǵy berildi.&nbsp;</p>

Paravoleıboldan el quramasynyń bas bapkeri Baýyrjan Tahaýovtyń aıtýynsha, ótken jyl tabysty bolǵan.

«Byltyr bizdiń paravoleıbolshylar eki týrnırde kúmis júldege ıe boldy. Onyń biri — Astana qalasynda ótken Azııa chempıonaty. Bul dodada álemdegi myqty komandalardyń biri – Qytaı quramasyn jeńgen edik. Azııa chempıonatynyń qorytyndysymen bizdiń komanda bıyl Frantsııa astanasy — Parıjde ótetin Paralımpıada oıyndarynyń lıtsenzııasyn ıelendik. Keıin Qytaıda Hanchjoý qalasynda ótken Para Azııa oıyndarynda da kúmis júldege qol jetkizdik», - deıdi Baýyrjan Tahaýov.

Halyqaralyq dárejedegi sport sheberi atanǵan oıynshylardyń arasynda 8 atyraýlyq sportshy bar. Olar — Baýyrjan Sartaev (komanda kapıtany), Perdebaı Namuratov, Aqylbek Shıkibaev, Almat Ospanov, Ádilet Seıitjapar, Nurtaý Muhanbetqalıev, Erlan Bıtemirov jáne Beket Turnııazov. Toǵyzynshy oıynshy – qyzylordalyq Erasyl Ábdibek.

Foto: Paravoleıbol komandasy

Eske sala ketelik, Qazaqstannyń paravoleıbolshylary Azııa chempıonatynda «kúmis» alǵanyn jazǵan bolatynbyz. 

Foto: Paravoleıbol komandasy