Qazaqstandyq Aqmaral Naýatbek Azııa paraoıyndarynyń chempıony atandy, dep habarlaıdy Kazinform.
Paradzıýdodan eki márte álem chempıony Aqmaral Naýatbek J2 sanaty boıynsha 48 kelige deıingi salmaqta top jardy.
Ol fınalda Rıo paralımpıadasynyń jeńimpazy, qytaılyq Lı Lıtsındi utty.
Osylaısha Aqmaral Qazaqstan qorjynyna alǵashqy altyndy saldy.
Foto: Týrızm jáne sport mınıstrligi«Jeńis ońaı kelmeıdi, biraq búgin Aqmaral jeńiske degen qulshynysyn kórsetti. Men Aqmaraldy jarqyn jeńisimen quttyqtaımyn jáne boz kilemdegi eńbegi úshin alǵys aıtamyn», - dedi QR Týrızm jáne sport mınıstri Ermek Marjyqpaev.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).