«Parasattylyqty tekserý» jemqorlyqty qalaı tejeıdi
«Sybaılas jemqorlyqqa qarsy is-qımyldy júzege asyratyn organ retinde Agenttiktiń belgili bir mártebesi men ókilettikteri bar. Bul týraly da umytpaǵan jón. Biliktilik synyptary bar, ant qabyldaǵan tulǵalar tipti qylmystyq jaýapkershilikke tartylǵan kezde de, qarapaıym sheneýnikterge qaraǵanda neǵurlym salmaqty baptar boıynsha tergeledi. ıAǵnı, qarapaıym memlekettik qyzmetshige qaraǵanda olar úshin jaýapkershilik pen jazalaý sharalary qatańdatyldy. Sonyń aıasynda biz «Parasattylyqty tekserý» degen uǵymdy engizip jatyrmyz», - dedi Marat Ahmetjanov.
Sybaılas jemqorlyqqa qarsy qyzmet basshysy ol tekserýdi kim júrgizetinin de aıtty.
«Biz vedomstvonyń birinshi basshysyna qyzmetkerdiń parasattylyǵyn tekserý quqyǵyn beremiz. Biraq oǵan salmaqty onyń kúikti áreketteri týraly sıgnaldar tústi me, tabysyna saı tirshilik ete me, kúmándi adamdarmen aralasa ma, kóleńkeli alymdar jınaı ma degen sııaqty suraqtarǵa jaýap berilýi kerek. Parasattylyqty tekserý – sybaılas jemqorlyqtyń aldyn alatyn, jetilgen júıe. Basshylar óz qaramaǵyndaǵylardy sybaılas jemqorlyqtyń aldynda qanshalyqty tózimdi ekenin tekseredi: jemqorlyq usynystan bas tartty ma, mundaı usynystar týraly basshylyǵyna habarlady ma, degendeı derekter naqtylanady», - dedi ol.