Paralımpııa oıyndarynyń toǵyzynshy kúninde Qazaqstan sportshylary qandaı nátıje kórsetti

<p>ASTANA. KAZINFORM &mdash; Týrızm jáne sport mınıstrligi jazǵy Paralımpııa oıyndaryndaǵy toǵyzynshy jarys kúni ıaǵnı 6 qyrkúıektegi Qazaqstan sportshylarynyń nátıjesin jarııalady.</p>

Para dzıýdo: J1 sanatynda 73 kg salmaqta óner kórsetken Erǵalı Shámeı fınaldyq beldesýde rýmynııalyq balýan Florın-Aleksandr Bologaǵa jol berip, Parıj Paralımpıadasynyń kúmis júldegeri atandy.

57 kelidegi Daıana Fedosova úshinshi oryn úshin ótken kezdesýde Túrkııa ókili Dëndıý Eshılıýrtty aı̆qyn jeńip, el qorjynyna kezekti qola júldeni saldy.

Qola júldege beldesken Aıala Mereke (70 kg) Tokıo Paralımpıadasynyń kúmis júldegeri, grýzııalyq Ina Kaldanıden jeńilip qaldy.

Para júzý: Áıelder arasyndaǵy S4 sanatynda erkin stılde júzýde Zúlfııa Ǵabıdýllına fınalda baq synap, márege 7-shi bolyp jetti.

Erler básekesiniń S5 sanatynda 50 metrge batterflıaı ádisimen júzýde Sııazbek Dálıev fınalda óner kórsetip, 7-orynǵa taban tiredi. Para kanoe: Jańyl Baltabaeva 200 metr qashyqtyqta VL3 sanatynda synǵa túsip, 1:04.72 nátıjesimen jartylaı fınalǵa joldama aldy.

Bıbarys Sypataı KL2 sanatynda 200 metr qashyqtyqty 48.50 sekýnd nátıjesimen jartylaı fınalǵa shyqty.

Paralımpıadanyń toǵyzynshy jarys kúninen keıin Qazaqstan quramasynyń qorjynynda 2 altyn, 3 kúmis, 2 qola júlde bar.