Paralımpıadashynyń neden qaıtys bolǵany belgili boldy

<p>ASTANA. KAZINFORM &ndash; Parataekvondoshy Nyshan Ómiráli <a href="https://kaz.inform.kz/news/para-taekvondodan-ek-durkn-alem-chempioni-nishan-omral-omrden-ott-00ee66/" target="_blank" rel="noopener">ómirden ótkeni</a> búgin habarlandy. Belgili bolǵandaı 1 qazanda saǵat 22.15 shamasynda &laquo;Batys Eýropa-Batys Qytaı&raquo; respýblıkalyq mańyzy bar avtojolynyń 542-shaqyrymynda &laquo;Nıssan Maksıma&raquo; markaly avtokóliginiń júrgizýshisi Túrkistan oblysynan Taraz qalasy baǵytynda kele jatyp, joldyń júris bóliginde túıemen soqtyǵysqan.</p>

Jambyl oblystyq polıtsııa qyzmetiniń dereginshe, avtokóliktiń salonynda júrgizýshi jalǵyz bolǵan. Jol-kólik oqıǵasy saldarynan er adam Taraz qalasyndaǵy № 1 qalalyq aýrýhanasyna jetkizý barysynda alǵan dene jaraqatynan qaıtys boldy.

Polıtsııa qyzmetkerleri QR QK 345-baby 3-bóligi boıynsha sotqa deıingi tergep-tekserýdi bastady. Avtokólik arnaıy aıyp turaǵyna qoıyldy. Jaýapkershilikke tartý úshin mal ıesin izdeý jumystary júrgizilip jatqanyn habarlady. 

Ómirden ozǵan Nyshan Ómiráli parataekvondodan eki dúrkin álem chempıony (Máskeý, 2014, London, 2017), Azııa chempıonatynyń kúmis júldegeri (Hoshımın-2022), para Azııa oıyndarynyń kúmis júldegeri (Hanchjoý-2023), eki dúrkin Paralımpıada oıyndaryna qatysýshysy bolǵan.