Paralımpıadashylar Barys, Parasat, Qurmet ordenderine ıe boldy

<p>ASTANA. KAZINFORM — Prezıdent Paralımpıada júldegerlerin jáne bapkerlerdi memlekettik nagradalarmen marapattaý týraly Jarlyqqa qol qoıdy. </p>

Qazaqstan Respýblıkasy Prezıdentiniń Jarlyǵymen Parıj qalasynda ótken XVII jazǵy Paralımpıada oıyndarynda joǵary jetistikterge jetken sportshylar men atletterdiń jattyqtyrýshylary memlekettik nagradalarmen marapattaldy.

Atap aıtqanda:

Altyn medal ıegerleri Degtıarev Davıd Mamıevıch І dárejeli «Barys» ordenimen, Naýatbek Aqmaral Maratqyzy ІІІ dárejeli «Barys» ordenimen nagradtaldy.

Kúmis medalǵa qol jetkizgen Ǵabbasov Erkin Tileýǵabyluly, Jumaǵalı Nurdáýlet Maqsutuly jáne Shámeı Erǵalı «Parasat» ordeniniń kavalerleri atandy.

«Qurmet» ordenimen Paralımpıada oıyndarynyń qola júldegerleri Muqashbekov Dastan Muratuly, Raıfova Zarına Raıfqyzy, Fedosova Daıana Vladımırovna jáne Shúkirbekov Jurqamyrza Baqytuly marapattaldy.

Ulttyq qurama bas bapkerleri men sportshylardyń jeke jattyqtyrýshylarynyń arasynan 5 azamatqa «Parasat» ordeni, 7 adamǵa «Qurmet» ordeni berildi.

Sonymen qatar eki jattyqtyrýshy Qazaqstan Respýblıkasy Prezıdentiniń Qurmet gramotasymen nagradtaldy.