Paralımpıadanyń ashylý saltanatynda Aýǵanstan týyn alyp ótedi

TOKIO. Kyodo-QazAqparat - Tokıodaǵy Paralımpıadanyń ashylý saltanatynda jarysqa qatysa almaıtyn aýǵan sporshylarynyń qurmetine Aýǵanstannyń týy boı kóteredi. Bul týraly dúısenbi kúni Japonııa astanasynda Halyqaralyq paralımpıada komıtetiniń (HPK) basshysy Endrıý Parsons málim etti, dep habarlaıdy QazAqparat Kyodo-ǵa silteme jasap.

«Aýǵanstan týy Paralımpıadanyń ashylý saltanatynda boı kóteredi. Biz ony alyp ótý úshin BUU bosqyndar isi boıynsha Joǵarǵy komıssary basqarmasynyń ókilin shaqyrdyq. Osylaısha, biz olarǵa tilektes ekenimizdi kórsetkimiz keledi. Olar (Aýǵanstan paralımpıadashylary) Oıynǵa qatysýy tıis edi, alaıda, ókinishke qaraı, bul múmkin emes», - dedi ol.

Paralımpıadaǵa Aýǵanstannyń eki atleti kelýi tıis edi. Olardyń arasynda Paralımpıadada Aýǵanstannan alǵash ret qatyspaqshy bolǵan áıel Zakııa Hýdadadı bar bolatyn. Qurama Tokıoǵa 17 tamyz keledi dep josparlanǵan. Alaıda, HPK-dan málim etkendeı, Aýǵanstandaǵy jaǵdaıǵa baılanysty ony Japonııaǵa qaýipsiz jetkizýdiń amaly tabylmady.

Tokıodaǵy Paralımpıada oıyndary 24 tamyzdan 5 qyrkúıekke deıin ótedi.