15:44, 24 Qyrkúıek 2025

Paralımpıadalyq at sportynan el birinshiliginde elordalyqtar 5 medal jeńip aldy

ASTANA. KAZINFORM – Shyǵys Qazaqstan oblysyndaǵy «Tıtan» at sport-saýyqtyrý kesheninde paralımpıadalyq at sporty boıynsha Qazaqstan Respýblıkasy chempıonaty máresine jetti, dep habarlaıdy Astana qalasy ákimdiginiń resmı saıty.

Foto: Astana ákimdigi

Jarysqa Mańǵystaý, Aqtóbe, Atyraý, Almaty, Shyǵys Qazaqstan oblystarynan jáne Astanadan múmkindigi shekteýli sportshylar qatysty.

Qatysýshylar paralımpıadalyq at sportynan óner kórsetti: «At sportynyń bastaýy», «Jeke júlde» jáne «Kıýr» (frıstaıl-test).

Foto: Astana ákimdigi

Chempıonat qorytyndysy boıynsha elordalyq parasportshylar 5 medal ıelendi. Atap aıtqanda, Ahmad Bılıal men Ádil Elýbaı 1-oryn, Ánýar Ábjanov pen Arnur Daýylbaev 2-oryn jáne Tomırıs Eraly 3-oryn aldy.

Eske sala keteıik, buǵan deıin Astana ákimdigi bir at sporty keshenin 200 myń teńgege satyp, jańasyn 7 mlrd teńgege satyp alǵanyn jazǵan edik.

Astana At sporty Sport Shyǵys Qazaqstan oblysy medal

Abylaıhan Jumashev

1993 jyly 15 qarashada Atyraý oblysy Inder aýdanynda dúnıege kelgen. Farabı atyndaǵy QazUÝ túlegi. A. Baıtursynuly atyndaǵy Til bilimi ınstıtýtynyń magıstri.