Paralımpıada júldegeri Aleksandr Gerlıts «Qazaqstannyń eńbek sińirgen sport sheberi» atandy
Sportshyǵa tósbelgini QR Premer-Mınıstriniń orynbasary Eraly Toǵjanov tabystady.
Saltanatty is-sharaǵa QR Mádenıet jáne sport mınıstri Dáýren Abaev, «Qazaqstan Respýblıkasynyń Ulttyq paralımpıada komıteti» QB Bas hatshysy Erlan Súleımenov jáne Paralımpıada quramasynyń bas bapkeri Vasılıı Kolomıets qatysty.
«Qazaqstannyń barlyq paralımpıada quramasyna osyndaı jetistik úshin alǵys aıtqym keledi. Sizder keremet nátıje kórsettińizder. Qaısarlyq pen tabandylyqtaryńyzdyń arqasynda bizdiń elimiz osy oıyndarda laıyqty óner kórsetti. Bul nátıjeniń sońynda sportshylardyń ózderine jáne olardyń jattyqtyrýshylaryna ǵana belgili orasan zor eńbek jatyr», - dedi Eraly Toǵjanov.
Premer-Mınıstrdiń orynbasary buqaralyq sportty damytý jáne ınklıýzıvti ortany qurý máselelerine erekshe nazar aýdardy, onyń aıtýynsha, bul máseleler Memleket basshysynyń jeke baqylaýynda.
Eraly Toǵjanov memleket tarapynan sportty dáripteý úshin barlyq qajetti jaǵdaılardy jasaýdyń jalǵasatyndyǵyn jetkizdi.
«Aleksandr ózine júktelgen joǵary senimdi aqtady. Sizdiń jetistikterińiz-myqty rýhanı jigerdiń jarqyn úlgisi. Bizdi aldaǵy jarystarǵa daıyndyq boıynsha úlken jumys kútip turǵanyn atap ótkim keledi. Biz osy paralımpıadada joǵary nátıjeler kórsetken QHR men Ýkraınanyń tájirıbesin muqııat zerdeleımiz», - dedi Dáýren Abaev.
Sondaı-aq, salalyq mekeme basshysy sportshylardyń jetistikterine paralımpıada komıtetiniń qosqan úlesi týraly da baıandap berdi.
Óz kezeginde Aleksandr Gerlıts qazaqstandyqtarǵa qoldaý kórsetkeni úshin alǵys aıtyp, quramanyń barlyq jattyqtyrýshylar shtabynyń úılesimdi jáne kásibı jumysyn atap ótti.
Esterińizge sala keteıik, XIII qysqy Paralımpıada 2022 jylǵy 4-13 naýryz aralyǵynda Beıjińde ótti.
Oǵan álemniń 50 elinen 700-den astam sportshy qatysty. Qazaqstan quramasy bir qola medalmen 17-orynǵa taban tiredi.
Ulttyq paralımpıada quramasyna 5 sportshy kirdi: Erbol Hamıtov, Aleksandr Gerlıts, Sergeı Ýsoltsev, ıÝrıı Berezın jáne Denıs Petrenko.