Paralımpıada oıyndarynyń ashylý saltanatyn qaı arnadan kórýge bolady

NUR-SULTAN. QazAqparat - Qytaı astanasy Beıjiń qalasynda ótetin 2022 jylǵy XIII qysqy Paralımpıada oıyndarynyń ashylý saltanaty qazaqstandyq qaı telearnadan kórsetiletini belgili boldy, dep habarlaıdy QazAqparat tilshisi.

Dúbirli doda elorda ýaqytymen saǵat 18:00-de bastalady.

Aıtýly alamanda Qazaqstan atynan Erbol Hamıtov, Aleksandr Gerlıts, Denıs Petrenko, ıÝrıı Berezın jáne Sergeı Ýsoltsev para shańǵy jáne para bıatlon sport túrlerinen el namysyn qorǵaıdy.

Saltanatty sharada elimizdiń týyn para shańǵyshy Erbol Hamıtov ustap shyǵady. Ol atalǵan sport túrinen álem kýbogynyń qola júldegeri bolǵan. Sondaı-aq, ol - halyqaralyq dárejedegi sport sheberi.

Qazaqstan sportshylary Paralımpıada oıyndaryna 1994 jyldan beri turaqty túrde qatysyp keledi. Búgingi kúnge deıin el qorjynyna 1 altyn, 1 kúmis medal tústi.

1994 jyly Lıllehammer qalasynda 10 shaqyrymǵa klassıkalyq mánerde shańǵy jarysynda qazaqstandyq Lıýbov Vorobeva kúmis júldeger atandy.

2018 jyly shańǵymen jarysta Aleksandr Kolıadın 1,5 shaqyrymǵa klassıkalyq mánerde sprınt jarysynda máre syzyǵyn birinshi bolyp qıdy.