Paralımpıada oıyndarynda 37 sportshy elorda namysyn qorǵaıdy

NUR-SULTAN. QazAqparat – Aqtóbede V respýblıkalyq paralımpıada oıyndary ótedi, dep habarlaıdy QazAqparat tilshisi.

Aldaǵy 12-18 qyrkúıek aralyǵynda Aqtóbe qalasynda V respýblıkalyq paralımpıada oıyndary ótedi.

Aıtýly báseke para dzıýdo, otyryp oınaý voleıboly, jeńil atletıka, paýerlıftıng jáne ústel tennısi sekildi sport túrlerinen ótedi.
«Respýblıkalyq paralımpıada oıyndarynyń basty eki ereksheligi bar. Ol 4 jylda bir ótedi. ıAǵnı 4 jyl boıy parasportshylarmyz bul jarysty asyǵa kútedi. Ekinshiden, jarysqa erekshe jandar qatysady. Paralımpıada oıyndaryna barlyq óńir óz myqtylaryn jiberedi jáne jyl ótken saıyn qatysýshylardyń sany artýda. Bizdiń parasportshylar tyńǵylyqty daıyndaldy, árıne, sporshylarymyzdyń jeńis tuǵyrynan kórinýin tileımiz», - dedi Nur-Sultan qalasy balalar jáne jasóspirimder jáne múgedek sportshylarǵa arnalǵan sport mektebiniń dırektory Rýstam Qalın baspasóz maslıhatynda.
Onyń aıtýynsha, V respýblıkalyq paralımpıada oıyndarynda bas qalamyzdyń namysyn 37 sportshy qorǵaıdy.