Paralımpıada oıyndarynda Qazaqstan týyn kimder ustap shyǵady

<p>ASTANA. KAZINFORM &ndash; Frantsııa astanasy Parıj qalasynda ótetin Paralımpıada oıyndarynyń saltanatty ashylý keshinde Qazaqstan týyn kimder alyp shyǵatyny belgili boldy.Naqtyraq aıtsaq, Paralımpıada oıyndarynda el týyn voleıboldy otyryp oınaýshy Berik Іzmaǵanbetov pen para nysana kózdeýshi Sevda Alıeva ustap shyǵady.</p>

Qazaqstandyq para sportshylar Olımpıada oıyndaryna osymen segizinshi márte qatysqaly otyr. 1996 jyldan beri otandastarymyz jazǵy Paralımpıadada 7 medal (2 altyn, 4 kúmis jáne 1 qola) jeńip alǵan.

Aldaǵy Parıj Paralımpıadasyna Qazaqstan 33 lıtsenzııa jeńip aldy. Sporttyń 9 túrinen (para júzý, para paýerlıftıng, para jeńil atletıka, para kanoe, para taekvondo, voleıboldy otyryp oınaý, para nysana kózdeý, para ústel tennısi, para dzıýdo) 44 sportshy baq synaıdy.

10 para dzıýdoshy Paralımpıada júldesi úshin tatamıge shyǵady.

Parıjdegi dodaǵa buǵan deıingi Paralımpıada básekeleriniń qos chempıony men eki júldegeri qatysady.

Olar: Zúlfııa Ǵabıdýllına – Rıo Paralımpıadasynyń chempıony 

Davıd Degtıarev – Tokıo Paralımpıadasynyń chempıony
⁠

Nurdáýlet Jumaǵalı – Tokıo Paralımpıadasynyń qola júldegeri

Raýshan Qoıshybaeva – Rıo Paralımpıadasynyń kúmis júldegeri

Eń jas sportshy – Alfııa Tilekqabyl (para dzıýdo, 18 jasta)

Eń egde sportshy – Zúlfııa Ǵabıdýllına (para júzý, 59 jasta).

Voleıboldy otyryp oınaýdan Qazaqstan ulttyq quramasy álemdik reıtıngte 75 eldiń ishinde 6-orynda tur.

Qazaqstan sportshylary bıyl alǵash ret para ústel tennısinen Paralımpıada joldamasyn jeńip aldy. Elimizdiń namysyn bul synda Álı Maqulbekov qorǵaıdy.

Eń tájirıbeli sportshy – Zúlfııa Ǵabıdýllına. Bıyl ol tórtinshi Paralımpıadasynda baq synaıdy.