Paralımpıada oıyndary-2024: Búgin qazaqstandyqtar eki sport túrinen saıysqa túsedi
09:15, 30 Tamyz 2024
<p>ASTANA. KAZINFORM - Búgin, 30 tamyzda Parıjde ótip jatqan 2024 jylǵy Paralımpıada oıyndarynda qazaqstandyq sportshylar eki saıys túrinen jarys jolyna shyǵady.</p>
Bul kúni para taekvondodan Kamıla Dosmalova (57 keli) Djýletta Moıpo (Kenııa) - Marııa Mıtsev (Serbııa) jubynyń jeńimpazymen kezdesedi. Al para jeńil atletıkadan Saltanat Ábilqasymqyzy (100 metr júgirý) synǵa túsedi.
Aıta ketsek, 29 tamyzda para voleıboldan Qazaqstan quramasy Frantsııany 3:0 esebimen jeńdi.
Endi olar erteń, 31 tamyzda Astana ýaqytymen 17:00-de Bosnııamen sheberlik baıqasady.
Sondaı-aq para taekvondodan qazaqstandyq Mılana Krasavtseva jubanysh kezdesýinde mysyrlyq sportshyǵa ese jiberip, medalǵa ıe bola alǵan joq.
Qazaqstan quramasynyń sportshylary Parıj Paralımpıadasyna sporttyń 9 túrinen 33 lıtsenzııa jeńip aldy.
Dúbirli doda 28 tamyz ben 8 qyrkúıek aralyǵynda ótedi.