Paralımpıada: Qazaqstandyqtar shańǵymen otyryp jarysýda irikteýden óte almady
10:55, 09 Naýryz 2022
BEIJІŃ.QazAqparat - Beıjińde ótip jatqan qysqy Paralımpıada oıyndarynda shańǵymen otyryp jarysýdan erler arasynda irikteý kezeńi ótti, dep habarlaıdy QazAqparat Sports.kz saıtyna silteme jasap.
Sportshylarǵa baıqaýdyń aqtyq bólimine ótý úshin úzdik 12 qatysýshynyń qatarynan kóriný qajet boldy.
Qazaqstannan startqa tórt sportshy shyqty, biraq olardyń eshbiri kelesi kezeńge óte almady. Erbol Hamıtov 15-shi, ıÝrıı Berezın 30-shy, Denıs Petrenko 32-shi, Sergeı Ýsoltsev 34-shi orynǵa taban tiredi. Bul sport túri boıynsha jartylaı fınal men fınal Nur-Sultan ýaqytymen saǵat 10:00-de bastalady.
Esterińizge sala keteıik, keshe Qazaqstan 2022 jylǵy Paralımpıada oıyndarynyń alǵashqy medalin jeńip aldy: Aleksandr Gerlıts parabıatlonda qola júldeger atandy.