Paralımpıada: Qazaqstan quramasynyń týyn alyp shyqqan Nurlan Dombaev jartylaı fınalǵa shyqty

TOKIO. QazAqparat – Qazaqstandyq parataekvondoshy Nurlan Dombaev Tokıodaǵy Paralımpıada oıyndarynda alǵashqy kezdesýin ótkizdi, dep habarlaıdy QazAqparat Sports.kz-ke silteme jasap.

75 kelige deıingi salmaq dárejesinde shırek fınalda Nurlan argentınalyq Hýan Samoranomen kezdesip, 27:25 (15:11, 6: 5, 4: 9, 2: 0) esebimen jeńiske jetti. Osylaısha, ol negizgi tordaǵy kezdesýdi jalǵastyrady, al Samorano jubanysh jekpe -jekterine qatysady.

Aıta keteıik, atalǵan oıyndarda Dombaev elimizdiń paralımpıadalyq quramasynyń týyn kóterip shyqqan bolatyn.

Búgin taǵy bir qazaqstandyq taekvondoshy Kamılıa Dosmalova birinshi jekpe-jekte serbııalyq qarsylasynan jeńilip qaldy, alaıda jubanysh raýndynyń shırek fınalyna joldama aldy.