Paralımpıada: Qazaqstan quramasy 32-orynda keledi

TOKIO. QazAqparat - Japonııa astanasy Tokıoda ótip jatqan Paralımpıada oıyndarynda qazaqstandyq sportshylar jalpy komandalyq esepte 32-orynda keledi, dep habarlaıdy QazAqparat.

Qazirge deıin el quramasy qorjynyna tórt medal tústi.

Aıta keteıik, budan buryn el quramasynan paýerlıftıng sheberi Davıd Degtıarev chempıon atansa, paradzıýdoshy Ánýar Sarıev kúmis júldeger boldy.

Odan keıin paradzıýdoshy Temirjan Dáýlet te kúmis medal aldy.

Búgin olardyń qataryn paradzıýdoshy Zarına Baıbatına tolyqtyrdy.

Osylaısha Qazaqstan 1 altyn, 3 kúmispen jalpy komandalyq esepte 32-orynǵa jaıǵasty. Al 28 tamyzda qazaqstandyq sportshylar 25-orynda turǵan edi.

Medal alý boıynsha Qytaı kósh bastap tur. Onyń enshisinde barlyǵy 103 (45 altyn, 29 kúmis, 29 qola) medal bar. Odan keıingi oryndarda Ulybrıtanııa - 60 (23-19-18), AQSh - 40 (15-16-9) medaldan enshilegen.