Paralımpıada-2024: Ulttyq qurama joldamalar sanyn 11-ge jetkizdi

<p>ASTANA. KAZINFORM &ndash; 2024 jylǵy 28 tamyz ben 8 qyrkúıek aralyǵynda Parıjde (Frantsııa) ótetin XVII Paralımpıada oıyndaryna Qazaqstan ulttyq quramasy joldamalar sanyn 11-ge jetkizdi.</p>

QR Týrızm jáne Sport mınıstrligi málim etkendeı, Paralımpıada oıyndarynda sporttyń 23 túrinen jarystar uıymdastyrylady. Qazaqstan ulttyq quramasy ázirge sporttyń 9 túrinen (para jeńil atletıka, para paýerlıftıng, para taekvondo, para ústel tennısi, para júzý, para dzıýdo, para kanoe, otyryp oınaıtyn voleıbol, para nysana kózdeý) óner kórsetýdi josparlap otyr.

Osy ýaqytqa deıin paralımpıadashylar 11 lıtsenzııa jeńip aldy. Atap aıtsaq, otyryp oınaıtyn voleıboldan erler quramasy – 1, para jeńil atletıka boıynsha ıadro laqtyrý – 1, para júzý – 3, para kanoe – 1, para paýerlıftıng – 1, para taekvondo – 3, para nysana kózdeý – 1.

Sonymen qatar bıyl Paralımpıadaǵa lıtsenzııa beretin 23 sporttyq is-shara josparlanǵan.

Aıta ketý kerek, Tokıo-2020 Paralımpıadasyna Qazaqstan ulttyq quramasynyń 25 sportshysy qatysyp, 5 medal (1 altyn, 3 kúmis jáne 1 qola) utyp alǵan. Elimiz jalpykomandalyq esepte 48-orynda tur.