Paralımpıada-2024: Qazaqstandyqtar 9 medalmen jalpy esepte neshinshi orynda tur

<p>ASTANA. KAZINFORM &ndash; Frantsııa astanasy Parıj qalasynda ótip jatqan paralımpıada oıyndarynda Qazaqstan quramasy 9 medalmen ázirge 39 orynda kele jatyr.</p>

Búgin tórt jyldyq dodanyń sońǵy jarys kúni. Parıj tórinde otandastarymyz medaldar sany jaǵynan óz rekordyn ornatty. Buǵan deıin el ókilderi jazǵy nemese qysqy Paralımpıada oıyndarynda bir altynnan artyq utpaǵan bolatyn. Medaldardyń jalpy sany boıynsha aldyńǵy úzdik jetistik Tokıo 2020 (bes marapat) Olımpıadasynda tirkelgen bolatyn.

Mine, Parıj tórinde paralımpıadashylarymyz alǵash ret 9 júlde - 2 altyn, 3 kúmis, 4 qola medal jeńip aldy.

Olar:

Altyn - Davıd Degtıarev (para paýerlıftıng);

Altyn - Aqmaral Naýatbek (para dzıýdo);

Kúmis - Erkin Ǵabbasov (para nysana kózdeý);

Kúmis - Nurdáýlet Jumaǵalı (para júzý);

Kúmis - Erǵalı Shameı (para dzıýdo);

Qola - Dastan Muqashbekov (para jeńil atletıka);

Qola - Daıana Fedosova (para dzıýdo);

Qola - Zarına Raıfova (para dzıýdo);

Qola - Jurqamyrza Shúkirbekov (para dzıýdo).