Paralımpıada-2022: Qazaqstandyq sportshylar qansha tabys tapty

NUR-SULTAN. QazAqparat – Qazaqstandyq sportshylardyń Beıjińdegi Paralımpıada oıyndarynda óner kórsetkeni úshin qansha tabys tapqany belgili boldy, dep habarlaıdy QazAqparat Sports.kz saıtyna silteme jasap.

Qazaqstandyqtar úshin kelesi tólemder belgilengen: altyn medal úshin – 250 myń dollar, «kúmis» úshin – 150 myń dollar, «qola» úshin – 75 myń dollar, tórtinshi oryn – 30 myń dollar, besinshi oryn – 10 myń dollar, altynshy bolǵany úshin – 5 myń dollar.

Bıatlonshy Aleksandr Gerlıts úzdik kórsetkishke qol jetkizip, qola medal ıelendi. Sonymen qatar jeke jarystarda ol úsh ret besinshi (eki ret – shańǵy jarysynda, bir ret – bıatlonda) boldy. Budan bólek, Qazaqstan komandalyq shańǵy estafetasynda (Aleksandr Gerlıts, Erbol Hamıtov) besinshi oryn aldy.

Osylaısha, jalpy alǵanda qazaqstandyq sportshylar Beıjińdegi Paralımpıadada 125 myń dollar tabys tapty.