Paralımpıada-2020: Janbota Amanjol qola júlde úshin talasady
13:01, 29 Tamyz 2021
NUR-SULTAN. QazAqparat – Tokıoda ótip jatqan Paralımpıada oıyndarynda qazaqstandyq para dzıýdoshy Janbota Amanjol qola júlde úshin talasady, dep habarlaıdy QazAqparat tilshisi.
Qazaqstandyq sportshy jubanysh beldesýinde ózbekstandyq Shýhrat Boboevpen sheberlik baıqasýy tıis bolatyn. Alaıda qarsylasy alǵan jaraqatyna baılanysty tatamıge shyǵýdan bas tartty.
Osylaısha qazaqstandyq sportshy qola júldeni sarapqa salatyn beldesýge joldama aldy. Atalǵan saıys elorda ýaqytymen 13:30-de bastalady.
Qazirge deıin Qazaqstan quramasy qorjynynda úsh medal bar. Paýerlıftıngten Davıd Degtıarev altyn alsa, paradzıýdodan Ánýar Sarıev pen Temirjan Dáýlet kúmis júldeger atandy. Sondaı-aq, búgin paradzıýdodan fınalǵa joldama alǵan Zarına Baıbatına taǵy bir júldeni qorjynǵa salady.