Paradzıýdoshy Erǵalı Shameı Azııa chempıony boldy
17:45, 28 Sáýir 2023
ASTANA. QazAqparat - Qazaqstandyq Erǵalı Shameı paradzıýdodan Azııa chempıony atandy. QazAqparat bul týraly elimizdiń paradzıýdo federatsııasyna silteme jasap habarlaıdy.
J1 (kózi múldem kórmeıtin sportshylar) sanatynyń fınalynda 73 kelige deıingi salmaqtaǵy E.Shameı ózbekstandyq Shohrýh Mamedovty jeńdi.
Al qola júldeni ırandyq Mahdı Borchloý men qyrǵyzstandyq Mamatıbraım Sýranov jeńip aldy.
Aıta keteıik, bul Astanada ótip jatqan Azııa chempıonatynda Qazaqstan qorjynyna túsken úshinshi medal. Buǵan deıin áıelder arasynda Daıana Fedosova (J2-57 kg) - «altyn», Aqmaral Naýatbek (J2-52 kg) «kúmis» alǵan bolatyn.
Paradzıýdodan Azııa týrnıri Jaqsylyq Úshkempirov atyndaǵy jekpe-jek saraıynda ótip jatyr. Jarys 30 sáýirge deıin jalǵasady.