Paradzıýdodan Grand Prix: Qazaqstan quramasy alǵashqy kúni 6 medal jeńip aldy

<p>ASTANA.KAZINFORM &mdash; Astanada ótip jatqan paradzıýdodan Grand Prix jarysynyń alǵashqy kúninde Qazaqstan quramasy 6 medal jeńip aldy.</p>

Erler arasynda J2 sanaty 81 keli salmaq fınalynda, Qazaqstandyq dzıýdoshy Ǵalymjan Smaǵululy Brıtandyq Evan Moloıǵa ese jiberip, kúmis enshiledi.

Foto: QR Paradzıýdo federatsııasy 

Sonymen qatar, J1 sanatynda 70 keli salmaqta qazaqstandyq qos sportshy Temirbolat Tashkenov jáne Asylan Nurdáýletov qola medal úshin beldesip, qortyndysynda Nurdáýletovtyń mereıi ústem boldy.

J1 sanaty 81 keli salmaqta Baýrjan Arstanbekov otandasy Erbolat Bekentaevty jeńip, qola medalǵa ıe boldy.

Foto: QR Paradzıýdo federatsııasy 

J1 sanatynyń 64 keli salmaǵynda tatamıge shyqqan Aıdyn Mútálip kúmis medaldy qanaǵat tutty.

Áıelder arasynda, Aınaz Quralova (J1 — 46 keli) men Alfııa Tilekqabyl (J1 — 52 keli) kúmis júlde jeńip aldy.

Foto: QR Paradzıýdo federatsııasy 

Buǵan deıin para dzıýdodan Grand Prix jarysy resmı bastalǵanyn habarlaǵan bolatynbyz.

Aıtýly dodaǵa 15 memleketten 100-ge jýyq sportshy qatysyp jatyr, olar 10 salmaqta júlde jıyntyǵyn sarapqa salady.