Paradqa daıyndyq jattyǵýlarynyń ótkizilýine oraı Astananyń áýe keńistigi búgin jarty kún jabyq boldy
15:30, 23 Sáýir 2015
ASTANA. QazAqparat - Búgin 23 sáýirde Astana ýaqyty boıynsha saǵat 09.00-den 14.00-ge deıingi aralyqta «Astana halyqaralyq áýejaıy» AQ áýe keńistigi Uly Otan soǵysyndaǵy Jeńistiń 70 jyldyǵyna arnalǵan paradqa daıyndyqty eskere otyryp, josparly jattyǵýlar ótkizilýine baılanysty jabyq bolady.
Bul týraly Astana áýejaıynyń resmı portalynda habarlandy. Sondaı-aq josparly jattyǵýlar 2015 jylǵy 9 mamyrǵa deıin aýyq-aýyq ótkizilip turatyny atap ótilgen. Jattyǵýlar týraly aqparat Astana áýejaıynyń resmı saıtynda ornalastyrylatyn bolady. Sonymen qatar atalmysh portaldaǵy elektrondy tablodaǵy málimetterge sáıkes, úsh reıs keıinge shegerilgen - Semeıden ushyp keletin reıs pen Aqtaý jáne Taraz qalalaryna baǵyt alatyn ushaqtar reısiniń ushýy keıinge qaldyrylyp otyr.