Para alǵany úshin Keden beketi basshysynyń orynbasary 63 600 000 teńge aıyppul arqalaı otyryp, 3 jylǵa sottaldy

<p>ASTANA. KAZINFORM &mdash; Astanada Keden beketi basshysynyń orynbasary para alǵan úshin 63 600 000 teńge aıppul salyndy. Bul týraly Astana qalasynyń qylmystyq ister jónindegi aýdanaralyq soty málim etti.&nbsp;</p>

Atalǵan isti Astana qalasynyń qylmystyq ister jónindegi aýdanaralyq soty qarady. 

Sot úkimimen T. QK 366-babynyń 2-bóligi boıynsha kináli dep tanylyp, memlekettik qyzmette qyzmet atqarý quqyǵynan ómir boıyna aıyryla otyryp, 60 eselengen soma (63 600 000 teńge) mólsherinde aıyppul túrindegi jaza taǵaıyndaldy.

D. QK-niń 234-babynyń 2-bóligi, 367-babynyń 2-bóligi boıynsha kináli dep tanylyp, ómir boıy memlekettik qyzmette qyzmet atqarý quqyǵynan aıyryla otyryp, paranyń 26,6 eselengen somasy (28 196 000 teńge) mólsherinde aıyppul taǵaıyndaldy.

Aıyptaýdyń máni

T., keden beketi basshysynyń orynbasary bola otyryp, azamatsha D.-dan kedendik shekara «Stambýl-Astana» áýe qatynasy arqyly kontrabandalyq jolmen deklaratsııalanbaǵan altyn buıymdar men medıtsınalyq dári-dármekterdi alyp kelgeni úshin 1 060 000 teńge kóleminde para alǵan, al sońǵysy atalǵan aqshalaı syıaqyny bergen.

«Sottalýshylar kinásin moıyndap, shyn júrekten ókindi. Sottalýshylardyń kinási kýágerlerdiń aıǵaqtarymen, sot saraptamalary men mamandardyń qorytyndylarymen dáleldendi», — delingen habarlamada.

Prokýror aıyptaýdy qoldap, bas bostandyǵynan aıyrý jazasyn taǵaıyndaýdy surady. Qorǵaýshy tarap jeńildetilgen mán-jaılardy eskere otyryp, aıyppul túrindegi jaza taǵaıyndaýdy surady.

Úkim zańdy kúshine engen joq.