Para alǵan Óskemenniń Veterınarııa bóliminiń burynǵy basshysyna 1,6 mln teńge aıyppul salyndy
10:18, 16 Qazan 2019
ÓSKEMEN. QazAqparat - Óskemen qalasynyń Veterınarııa jáne aýyl sharýashylyǵy bóliminiń burynǵy basshysy para alǵany úshin sottaldy, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.
Shyǵys Qazaqstan oblysynyń sybaılas jemqorlyqqa qarsy qyzmeti Óskemen qalasynyń Veterınarııa jáne aýyl sharýashylyǵy bóliminiń basshysy S. Kúdebaevqa jáne osy bólimniń bas mamany Q. Serikovke qatysty birneshe ret para aldy degen kúdikpen sotqa deıingi tergeýdi aıaqtady.
Olar kásipkerlik sýbektilerinen jalpy qamqorlyǵy úshin júıeli negizde (turmystyq sybaılas jemqorlyq) para aldy degen kúdikke ilingen bolatyn.
15 qazanda Óskemen qalasynyń №2 sotynyń úkimimen atalǵan laýazymdy tulǵalar para alǵany úshin kináli dep tanylyp, olarǵa 1 638 000 teńge mólsherinde aıyppul salyndy, sondaı-aq memlekettik qyzmette laýazym atqarý quqyǵynan ómir boıyna aıyrdy.