Para alǵan Qostanaı oblystyq bilim basqarmasynyń qyzmetkeri 10 jylǵa sottaldy

QOSTANAI.QazAqparat – Alaıaqtyq jasap, para alǵan bilim basqarmasy bólim basshysynyń orynbasary sottaldy, dep habarlaıdy QazAqparat oblystyq sottyń baspasóz qyzmetine silteme jasap.

Memlekettik qyzmetkerge qatysty is Qostanaı oblysynyń qylmystyq ister jónindegi mamandandyrylǵan aýdanaralyq sotynda qaraldy. Oblystyq bilim basqarmasyna qarasty ádistemelik súıemeldeý ortalyǵynyń qarjylandyrý jáne qarjylyq eseptilik bólimi basshysynyń orynbasary Sh. qylmysyn tótenshe jaǵdaı kezinde jasaǵan.

Sh. jergilikti JShS ókilinen 14 mln teńge alǵan. Ol seriktestikti mektepter men kolledjder úshin kompıýterler satyp alýǵa oınatylǵan tenderde jeńýge ýáde etken. Alaıda Sh.-nyń mundaı ókilettiligi bolmaǵan. Ol seriktestik basshylyǵyn aldap soqqan.

«Jaza taǵaıyndaý kezinde sot qylmys jasaýdy aýyrlatatyn mán-jaı esebinde tótenshe jaǵdaı merzimin negizge aldy. Sot Sh.-ǵa qaýipsizdigi ortasha qylmystyq-atqarý júıesi mekemesinde óteýmen 10 jyl bas bostandyǵynan aıyrý jazasyn taǵaıyndady. Sondaı-aq memlekettik qyzmette jumys isteý quqyǵynan ómir boıyna aıyryldy», delingen sottyń baspasóz habarlamasynda.

Úkim zańdy kúshine engen joq.