Para aldy degen Túrkistan ákimdiginiń laýazymdy tulǵalary sottaldy
22:14, 07 Qyrkúıek 2022
TÚRKІSTAN. QazAqparat - Túrkistan qalasy ákimdiginiń ınfraqurylym jáne kommýnıkatsııalar bólimi basshysynyń orynbasary men osy bólimniń bas maman – býhgalteri qyzmetterin atqara júrip, para aldy dep kúdikke ilingen azamattarǵa qatysty sot úkimin shyqty, dep habarlaıdy QazAqparat tilshisi.
Sottalýshylar Túrkistan qalasynyń Otyrar shaǵyn aýdanynda syrtqy jelilerdi tóseý boıynsha oryndalǵan jumystardyń aktilerine qol qoıǵany úshin JShS ókilinen 1,1 mıllıon teńge somasynda para alǵany úshin kináli dep tanylǵan bolatyn.
Sot úkimimen burynǵy bólimi basshysynyń orynbasaryna 73 mıllıon 800 myń teńge kóleminde aıyppul salyndy. Al, bólimniń bas maman – býhgalterine 7 jyl bas bostandyǵynan aıyrý jazasy taǵaıyndaldy.
Sondaı-aq sottalǵandar memlekettik qyzmette qyzmet atqarý quqyǵynan aıyryldy.
Aıta keteıik, úkim zańdy kúshine engen joq.