Papýa-Jańa Gvıneıada kóshkin 670 adamnyń ómirin qıdy

<p>ASTANA. KAZINFORM &mdash;Aldyn ala boljam boıynsha, Papýa-Jańa Gvıneıada 700-ge jýyq adam kóshkinniń qurbany boldy, myńdaǵan adam jaraqat aldy, dep jazady <a href="https://ru.euronews.com/2024/05/26/papua-new-guinea-death-toll" target="_blank" rel="noopener">Euronews.</a></p>

Bul týraly BUU kóshi-qon jónindegi halyqaralyq uıymy habarlady.

Onyń málimetinshe, 150-den astam baspana úıindi astynda qalǵan.

«Qazirgi ýaqytta 670-ten astam adam jer astynda jatyr degen boljam bar», — dedi uıymnyń eldegi mıssııasynyń basshysy Serhan Aktoprak jergilikti bılik málimetine silteme jasap.

Bastapqyda quzyrly organdar kóshkin 60-qa jýyq úıdi basyp qaldy dep eseptese, keıin olardyń sany odan da kóp ekeni belgili boldy.

Úıindiniń tereńdigi alty metrden segiz metrge deıin jetedi.

Jergilikti BAQ-tyń habarlaýynsha, el astanasy Port-Morsbıden soltústik-batysqa qaraı 600 shaqyrymdaı jerde ornalasqan Enga provıntsııasynyń Kaokalam aýylynda ǵana 300-ge jýyq adam úıindi astynda qalyp qoıǵan.