Pank sán stıliniń negizin qalaǵan brıtandyq dızaıner Vıven Vestvýd qaıtys boldy

LONDON. QazAqparat – Pank sán stılin kommertsııalyq mádenıettiń bir bóligine aınaldyrǵan álemdegi tanymal dızaınerlerdiń biri Vıven Vestvýd kóz jumdy, dep habarlaıdy QazAqparat VVS jańalyqtaryna silteme jasap.

Dızaınerdiń sán úıi Twitter-degi paraqshasynda jazǵanyndaı, Vestvýd 82 jasynda otbasy músheleriniń ortasynda qaıtys boldy.

Vestvýd 1970 jyldary keńinen tanyldy jáne ol pank estetıkasyn qalyptastyrýshylardyń biri. Áıgili Sex Pistols pank tobynyń menedjeri Malkolm Maklaren onyń dosy boldy. Top mýzykanttary teleekranǵa Vestvýdtyń kıimderimen shyqty.

Sánge kelgenge deıin ol bastaýysh synyp muǵalimi bolyp jumys istedi, keıinirek Maklarenmen birge Chelsıdiń London aýdanyndaǵy Kıngs-roýd boıynda Let It Rock dep atalatyn kıim dúkenin ashty. Keıinnen dúken ataýy Sex dep ózgertildi, al 1975 jyldyń sońynda Maklaren Sex Pistols kompanııasynyń menedjeri atandy.

Keıin Vestvýd qymbat kıim shyǵaratyn álemdik brend qalyptastyrdy. HH ǵasyrdaǵy eń yqpaldy sángerlerdiń birine aınaldy. Ol qoǵam belsendisi retinde de tanymal boldy. Jıi saıası málimdemeler jasap, demonstratsııalarǵa qatysty, sonyń ishinde Djýlıan Assanjdy qorǵap, atmosferanyń lastanýyna qarsy pikirlerin bildirdi.

2006 jyly patshaıym Elızaveta ІІ qolynan sánge qosqan úlesi úshin «Rytsar» ataǵyn aldy.

Foto: GETTY IMAGES