Panfılov eskertkishi batyrlar saıabaǵynyń bastamasy bolady - batyrdyń nemeresi Alýa Baıqadamova
Ol búgin Astanada I. Panfılov eskertkishiniń ashylý saltanatynda óz oılarymen bólisti.
«Eskertkish batyrǵa laıyq eken. Meniń oıymsha, bul jerde onyń jalǵyz emes, barlyq 28 panfılovshymen birge turýynyń úlken máni bar. Sonymen qatar, bul úlken saıabaq ta sondaı ádemi. Sondyqtan bul jer Qazaqstandaǵy osyndaı batyrlarǵa arnalǵan saıabaqtardyń bastamasyna aınalyp ketýi de múmkin. Óıtkeni bizdiń baıtaq elimizde atam sııaqty batyrlar óte kóp», - deıdi A. Baıqadamova.
Barlyq batyrlardy umytýǵa bolmaıdy. Olardyń esimderi el esinde máńgi qalýy tıis.
«Meniń oıymsha bul saıabaq ýaqyt óte kele Almatydaǵy 28 panfılovshylar saıabaǵy sııaqty deńgeıge jetip, oǵan barlyq halyq kelip, panfılovshylardyń erligin eske alyp otyratyn bolady», - dedi batyrdyń urpaǵy.