Pandemııaǵa baılanysty munaı óndirýdi tómendettik – Energetıka mınıstri

NUR-SULTAN. QazAqparat – Álemge taralǵan koronavırýstyń órshýi energo resýrstarǵa aıtarlyqtaı áser etti. Bul týraly QR Energetıka mınıstri Nurlan Noǵaev halyq aldynda esep berý kezdesýinde aıtty, dep habarlaıdy QazAqparat tilshisi.

«Memleket basshysynyń jarlyǵymen ótken jyly Ekologııa, geologııa jáne tabıǵı resýrstar mınıstrligi quryldy jáne Energetıka mınıstrliginiń qorshaǵan ortany qorǵaý salasyndaǵy fýnktsııalary men ókilettikteri jańa qurylǵan mınıstrlikke aýysty. Qazirgi tańda Energetıka mınıstrliginiń qyzmeti kelesi strategııalyq baǵyttarǵa jikteledi: munaı jáne gaz salasyn damytý, trategııalyq baǵyttardy júzege asyrý, elektr energetkasy, atom energetkasy, jańartylǵan energııa kózderin paıdalaný salalary. Álemge taralǵan koronavırýstyń órshýi energo resýrstarǵa da aıtarlyqtaı áser etti. Biz de ózimizdiń jyldyq josparymyzdy álemde qalyptasqan jaǵdaıǵa sáıkes rettep, biraz túzetý engizdik», - deıdi QR Energetıka mınıstri Nurlan Noǵaev

Ol munaı óndirisine toqtalyp ótti.

«Birinshiden, 2019 jyly munaı óndirý 90,5 mln tonnany quraǵan bolatyn. Alaıda munaı baǵasynyń qubylmalyǵy jáne pandemııa kezinde álemdik ekonomıkanyń turaqsyz damý jaǵdaıynda bıyl munaı óndirý josparyn 86 mln tonnaǵa, ıaǵnı 4,5%-ǵa tómendettik», - deıdi ol.