Pandemııaǵa baılanysty qurylys kompanııalaryna jumysshy jetispeýde – saýalnama
Olar júrgizgen saýalnamaǵa 24,5 myń kásipker qatysqan.
«Búgingi tańda jumys kúshiniń tapshylyǵy qurylys salasyna áser etti. Memlekettik shekaranyń jabylýy da oǵan ishinara áser etti, ol sheteldik jumys kúshiniń toqtap qalýyna ákeldi. Qurylys kompanııalary 2021 jyly turǵyn úı qurylysynyń josparlanǵan kóleminiń 2 mln sharshy metrge, 17,2 mln sharshy metrge deıin ulǵaıý jaǵyna qaraı ózgerýin eskere otyryp, jumysshy kadrlardaǵy tapshylyq týraly aıtyp otyr, tek turǵyn úı qurylysyna qosymsha 80 myńǵa jýyq adam qajet. Bul mektep, balabaqsha, aýrýhana jáne t. b. áleýmettik nysandarǵa qajetti kadrlar qajettigin eskermegende ǵana. Qajettiliktiń 45%-y Nur-Sultan jáne Almaty qalalaryna tıesili bolyp otyr. Osylaısha, ekonomıkany qalpyna keltirý birinshi kezekte Nur-Sultan jáne Almaty qalalarynda bastalady», - dedi Oljas Ordabaev.
Klýbtyń otyrysy Senat tóraǵasy Máýlen Áshimbaevtyń tóraǵalyq etýimen ótti jáne Qazaqstan ekonomıkasynyń pandemııadan keıingi kezeńdegi úrdisterine, mindetteri men keleshegine arnaldy.
«Pandemııa álemdik ekonomıka men qoǵamdyq ómirdi uıymdastyrýdaǵy belgili bir protsesterdi jedeldetti. Osylaısha, qashyqtyqtan jumys isteý, qashyqtyqtan oqytý, bıznesti tsıfrlandyrý, ınternet arqyly qyzmetter usyný jáne taýarlar satyp alý, resýrstar men tutynýǵa uqypty qaraý bizdiń ómirimizdiń ajyramas bóligine aınalady. Pandemııadan keıingi kezeńdegi damý strategııasy osy jáne basqa da úrdisterdi eskerýi tıis. Jalpy, bilim berý júıesi pandemııadan keıingi kezeńdegi damý strategııasynyń mańyzdy bóligi retinde qarastyrylýy kerek, óıtkeni ol ónerkásip pen óndiristik sektordy bilikti kadrlarmen qamtamasyz etedi», - dedi Máýlen Áshimbaev.
Máýlen Áshimbaev talqylaýdy qorytyndylaı kelip, sarapshylar aıtqan usynys-usynymdar Parlament jumysynda paılanylatyny jáne Ulttyq ekonomıka mınıstrligi nazarǵa alatynyna senim bildirdi.