Pandemııaǵa baılanysty el ishinde 41 jáne 21 halyqaralyq poıyz qatynasy toqtap tur

NUR-SULTAN. QazAqparat – 2021 jyldyń 4 aıynda temir jol kóligimen 4,5 mln jolaýshy tasymaldandy. Bul týraly halyqqa esep berý kezdesýinde QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«El ekonomıkasynyń damýynda temirjol kóligi erekshe ról atqarady. Salada 135 myńnan astam adam jumys isteıdi. Onyń 125 myńy «Qazaqstan temir joly» ulttyq kompanııasy» aktsıonerlik qoǵamy qyzmetkerleri, al 10 myńǵa jýyǵy jeke kompanııalarda jumys isteıdi. Eldiń temir joldarynyń paıdalaný uzyndyǵy 16 myń shaqyrym. Jalpy uzyndyǵy 21 myń shaqyrymnan asady. Jyl saıyn shamamen 600 shaqyrym magıstraldyq jelini kúrdeli jóndeý júzege asyrylady», - dedi Beıbit Atamqulov.

Onyń dereginshe, 2021 jyldyń 4 aıynda 4,5 mln jolaýshy tasymaldandy. Tasymaldaýdyń tómen kórsetkishteriniń sebebi - karantın shekteýine baılanysty. Búgingi tańda pandemııaǵa baılanysty 41 poıyz, onyń ishinde 21 halyqaralyq qatynas toqtatylǵan.

«Jolaýshylar tasymalyn sýbsıdııalaýǵa 57 áleýmettik mańyzy bar marshrýttarǵa 44 mlrd teńgeden astam qarajat bólý josparlanǵan. Onyń ishinde búgingi tańda 15,5 mlrd teńge bólindi»,- dedi mınıstr.