Pandemııadan kóz jumǵan Ulttyq ulannyń 2 sarbazy memlekettik ordenmen marapattaldy

NUR-SULTAN. QazAqparat – Pandemııa kezinde qyzmet babynda kóz jumǵan 2 sarbaz memlekettik ordenmen marapattaldy. Bul týraly Ulttyq ulan áskerı keńesiniń hatshysy Saverdın Imırov Ortalyq kommýnıkatsııalar qyzmetinde aıtty, dep habarlaıdy QazAqparat tilshisi.

«Ulttyq ulan qyzmeti patrıottyq pen erliktiń mektebine aınaldy. Júktelgen mindetterdi oryndaý kezinde, azamattardyń qaýipsizdigin qorǵaý jolynda bizdiń áskerıler qyraǵylyq tanytyp, sheshimtal erlikter kórsetýde. Biz maqtan tutatyn sarbazdar barshylyq. Pandemııa jaǵdaıynda erlik tanytyp, jankeshtilik kórsetkeni úshin 2 áskerı qyzmetshi kóz jumaǵannan keıin memlekettik ordenmen marapattaldy. 52 áskerı «Halyq alǵysy» medalin aldy», - deıdi Ulttyq ulan ókili.

Saverdın Imırov táýelsizdik jyldarynda Ulttyq ulannyń 25 áskerı qyzmetshisi qyzmet babynda kóz jumaǵanyn eske aldy.

«Táýelsizdik jyldarynda Ulttyq ulannyń 214 áskerı qyzmetshisi memlekettik nagradamen maparattaldy. Onyń ishinde 25-i qyzmet babynda kóz jumǵan»», - dedi áskerı keńes hatshysy.