Pandemııadan 34 polıtsııa qyzmetkeri qaıtys boldy - Turǵymbaev
«Aldymen eldegi krımınogendik jaǵdaıǵa toqtalaıyn. Jalpy qylmystyq ahýal turaqty. Kisi óltirý, densaýlyqqa aýyr zııan keltirý, tonaý, urlyq, buzaqylyq, zorlaý faktileri azaıdy. Kóshelerde jáne qoǵamdyq oryndarda, buryn sottalǵandarmen, kámeletke tolmaǵandarmen, mas kúıinde, sondaı-aq qarý qoldaný arqyly jasalatyn qylmystar tómendedi. Qylmystyń ashylýy jaqsardy. Mundaı jaǵdaı 3 jyl boıy saqtalýda», - dedi mınıstr.
Onyń atap ótýinshe, álemdik pandemııa polıtsııa jumysyna ózgerister engizdi. Pandemııa kezinde polıtsııa qyzmetkerleri dárigerlermen birge kúndiz-túni, ýaqytpen sanaspaı jumys istedi. Kúnine 12 myń qyzmetker jumysqa shyqty. Karantın jarııalanǵanda 50 myń qyzmetkerge deıin jumyldyryldy.
«Olar – qoǵamdyq qaýipsizdikti qamtamasyz etti. 445 blok-posty kúzetti. 700 aýrý taraǵan aımaqty qorshaýǵa aldy. Meıramhanalar men oıyn-saýyq oshaqtarynyń jumysyn baqylady. Tikeleı mindetten bólek osyndaı jaýapty jumystarmen aınalysty. Ókinishke qaraı, pandemııadan 34 qyzmetker qaıtys boldy. 19 612 qyzmetker aýrýdan jazylyp shyqty. Qazirgi tańda qyzmetkerlerdiń 98 paıyz vaktsınatsııadan ótti», - dedi Erlan Turǵymbaev.