Pandemııada muǵalimniń baǵa jetpes róli erekshe aıqyndaldy - Ashat Aımaǵambetov
«Bul sezd halyqaralyq muǵalimder kúnine oraı ótýde. Sondyqtan osy zalda jınalǵan barlyq áriptesimdi, ustazdardy tól merekemizben shyn júrekten quttyqtaımyn. Osy Táýelsiz memleketter Dostastyǵyna múshe elder pedagogteriniń sezi elordamyzda ekinshi ret ótip otyr. Osydan 12 jyl buryn astanamyzda birinshi sezi ótken bolatyn. Búgingi sezde óte mańyzdy taqyryptarǵa talqyǵa salamyz. Sezd taqyryby óte mańyzdy. Ol «Pandemııadan keıingi kezeńdegi bilim berý úderisiniń transformatsııasy» dep bekitilgen bolatyn. Muǵalimniń baǵa jetpes róli tap osy pandemııa kezinde erekshe aıqyndaldy jáne eselene túsýde. Sondyqtan búgin osy mańyzdy taqyrypty jan-jaqty talqylaımyz», - dedi sezd jumysyn ashqan QR Oqý-aǵartý mınıstri Ashat Aımaǵambetov.
TMD bilim mınıstrleri konferentsııasynyń sheshimimen eki jylda bir ret ótkiziletin sezdiń bul jolǵy jumysyna elimizdiń túpkir-túpkirinen 600-den astam muǵalim, sondaı-aq dostastyq elderinen 100-den astam pedagog qatysýda.
Іs-shara aıasynda mektepke deıingi jáne orta bilim berý, sondaı-aq oqý-ádistemelik keshen salasyndaǵy tsıfrlyq jáne baspa ónimderiniń kórmesi uıymdastyrylǵan. Sonymen qatar qazaqstandyq kásipkerler men startap oqý oryndarynda sabaq berý men oqýdy tıimdi uıymdastyratyn ІT-jobalar tanystyrylmaq.