Pandemııada balalarǵa qandaı kómek kórsetildi – Arýjan Saın
«Baqytymyzǵa oraı, eresekterge qaraǵanda balalar koronavırýsty jeńil ótkeredi. Bul óte mańyzdy dep oılaımyn. Barlyq aýyrǵan balalar koronavırýsty jeńil formada ótkizdi. Degenmen, bul pandemııa balalardyń ómirine aıtarlyqtaı áser etti. Balabaqsha men mektepten bastap, ınternat pen balalar úıinde de karantın jalǵasýda. Árıne, ońaı emes. Balalar men ata-analarǵa sabyr men tózim qajet. QR Bilim jáne ǵylym mınıstrliginiń Balalar quqyǵyn qorǵaý komıteti ata-ana qaraýynsyz qalǵan balalar mekemesindegi jaǵdaıdy únemi qadaǵalaıdy. Ár sársenbi saıyn barlyq mekeme dırektorlarymen onlaın jınalys ótedi. Ókinishke qaraı, aýrý oshaqtary da bar. Máselen, Aıagóz ınternatynda 40-qa jýyq adam – qyzmetkerler men balalar aýyryp qaldy. Balalardyń aýrýdy jeńil ótkerip jatqany habarlandy. Qazir onda tájirıbeli pedıatr jumys istep jatyr. Jaǵdaı retteledi dep oılaımyz», - dedi Arýjan Saın Feısbýkte ótken Antikor.live konferentsııasynda.
Onyń aıtýynsha, ózge de aýyr syrqatqa ushyraǵan balalarǵa da kómek kórsetilip jatyr.
«Biz olarǵa qajetti quraldardy barynsha kóp alýǵa tyrystyq. Mysaly, epılepsııa dıagnozy boıynsha preparattar ala almadyq. Jaqyn arada alamyz dep úmittenemin. Osy oraıda kateter alyp, balalardy bir jylǵa qamtamasyz etýi tıis bolǵan jergilikti atqarý organdaryna shaǵymdanǵym keledi. Mende áli barlyq óńirlerdiń kateter satyp alǵany týraly aqparat joq. Bul kateterler Qazaqstanda óndiriledi, biraq birde-bir ákimdik bul zaýyttan buıym satyp almaǵan. Ózge sheteldik óndirýshilerden ımporttyq zattar aldyrǵan», - dedi spıker.
Sonymen birge Arýjan Saın memlekettik satyp alýlar máselesin qaraýdy ótinip, QR Prezıdentine hat joldaǵanyn aıtty.
«Ázirge 177 mln teńgege kómek kórsetilgen. Qazaqstannyń barlyq klınıkalary koronavırýs ınfektsııasy boıynsha bizdiń qorǵa habarlasa alady. Árıne, biz barlyǵyn taýyp bere almaımyz. Kateter óndiretin zaýyt alǵashqy partııasyn – aldyńǵy shıkizattardan jasalǵan buıymdardy 95 teńgeden berdi. Al sońǵy shıkizattar boıynsha shamamen 150 teńge bolady. Men QR Prezıdenti Qasym-Jomart Toqaevqa hat jazyp, memlekettik satyp alýlar salasyn tekserýdi suradym, ákimdikterdiń qajetti buıymdardy ústemelengen baǵamen alyp jatqanyn aıttym», - dedi Arýjan Saın.