Pandemııa jaǵdaıynda sheteldik juldyzdardyń kontsertine satylǵan bılet jaramdy ma

NUR-SULTAN. QazAqparat – Qazaqstannyń memlekettik bas sanıtar dárigeri Erlan Qııasov sheteldik juldyzdardyń kontsertine bılet satý derekteri jiti tekseriletinin aıtty, dep habarlaıdy QazAqparat tilshisi.

Baspasóz konferentsııasynda Erlan Qııasovqa elimizde keı óńirlerdiń «qyzyl» jáne «sary» aımaqqa engenine qaramastan naýryz, sáýir, mamyr aılarynda sheteldik juldyzdardyń qatysýymen kontsertter ótkizý josparlanǵany týraly saýal qoıyldy.

«Bul derekter boıynsha bólek tekserý júrgizemiz. Jalpy alsaq, «jasyl» aımaqtaǵy óńirlerde zaldyń 30%-yn toltyryp, «sary» aımaqtaǵy óńirlerde zaldyń 20%-yn toltyryp kontsert ótkize berýge bolady. Al atalǵan faktiler boıynsha, árıne, tolyq aqparat alyp, ár fakti boıynsha qanshalyqty zań buzylǵanyn, qanshalyqty kelisilgen shara ekenin jeke-jeke anyqtaımyz. Bıletter Almaty qalasy «jasyl» nemese «sary» aımaqta bolǵan kezde satylǵan bolýy múmkin. Biraq dál qazir ondaı sharalar ótkizýge tyıym salynǵan», - dedi Erlan Qııasov.