Pandemııa syn-qaterin jalǵyz júrip sheshý múmkin emes – Nıno Býrdjanadze
«Pandemııa búkil álemdegi aýaldy túbegeıli ózgertip jiberdi. Ol adamdardyń densaýlyǵy men kóńil-kúıine ǵana áser etip qoımaı ekonomıkalyq jáne áleýmettik problemalardy da ýshyqtyra tústi. Sondyqtan pandemııadan týyndaǵan syn-qaterdi jalǵyz júrip eńserý múmkin emes. Árıne, árbir memleket onyń eńserý úshin naqty is-sharalar qabyldaý tıis. Degenmen, qazirgi oryn alyp otyrǵan daǵdarystan álem tezirek shyǵý úshin yntymaqtastyq pen kooperatsııa da óte mańyzdy. Osy turǵyda otyrysta Qazaqstannyń keleshegi jaıynda sóz qoǵadym. Qazaqstan kóp is tyndyryp, óńirdegi kóshbasshy ekendigin birneshe márte pash etti jáne onyń ekonomıkalyq ta, saıası turǵyda da áleýeti óte joǵary, Sondyqtan Grýzııa úshin Qazaqstanmen strategııalyq yntymaqtastyqty jalǵastyryp, pandemııa máselelerin birlesip sheshýge múmkindik beretin jańa jobalardy júzege asyrý mańyzdy», - dedi ol Astana klýbynyń 6-otyrysy aıasynda BAQ ókilderine bergen suhbatynda.
Sonymen qatar sheteldik sarapshy Qazaqstan halyqty koronavırýsqa qarsy vaktsınatsııalaýda joǵary nátıjege qol jetkizgendigin basa aıtty.
«Vaktsınatsııaǵa qarsy naýqanda muqalmaǵan Qazaqstan Úkimeti men halqyna rızashylyǵymdy bildirgim keledi. Halyqtyń 70 paıyzynyń vaktsına alýy búkil álemdi jaýlaǵan ekonomıkalyq daǵdarystan tezirek shyǵýǵa negiz bolady», - dedi ol.