Pandemııa kezinde Qazaqstandaǵy qaı salaǵa ınvestorlar qyzyǵýshylyq tanytty

NUR-SULTAN. QazAqparat – Sheteldik ınvestorlar Qazaqstannyń aýyl sharýashylyǵy salasyna joǵary qyzyǵýshylyq tanytyp otyr. Búgin elordada Jahandyq ınvestıtsııalar boıynsha jyl saıynǵy «dóńgelek ústel» otyrysynda «Kazakh Invest» UK» AQ basqarma tóraǵasy Meıirjan ıÝsýpov osylaı aıtty, dep habarlaıdy QazAqparat tilshisi.

«Qazaqstannyń aýyl sharýashylyǵy salasyna ınvestorlar tarapynan joǵary qyzyǵýshylyq bar ekenin kórip otyrmyz. Sondyqtan bizdiń portfelde aýyl sharýashylyǵy jobalar barshylyq. Bul zańdy qubylys, sebebi Qazaqstan álemde aýyl sharýashylyǵy áleýeti eń joǵary elderdiń qatarynda», - dedi Meıirjan ıÝsýpov.

Onyń aıtýynsha, koronavırýsqa qatysty jaǵdaı saldarynan osy salaǵa erekshe qyzyǵýshylyq baıqalyp otyr.

«Atap aıtqanda, azyq-túlik qaýipsizdigine oraı osy salaǵa ınfevstorlar eleýli mán berip bere bastady», - dedi dedi «Kazakh Invest» UK» AQ basqarma tóraǵasy «Kazakhstan Global Investment Roundtable» forýmynda.

Budan buryn habarlanǵandaı, Meıirjan ıÝsýpov Qazaqstanda qaı salalarǵa ınvestıtsııa salýǵa bolatynyn aıtty.

Sonymen qatar, ınvestıtsııalar jónindegi dóńgelek ústel otyrysynda QR Premer-Mınıstriniń orynbasary – Syrtqy ister mınıstri Muhtar Tileýberdi Táýelsizdik jyldarynda elimizge 376 mlrd dollar shetel ınvestıtsııasy tartylǵanyn atap ótti.