Pandemııa kezinde 88 BAQ koronavırýs týraly 250-den astam beınerolık túsirgen
Aıda Balaeva ótken jyl mınıstrlik úshin aqparattyq-ıdeologııalyq jumys saladaǵy negizgi baǵyttyń sabaqtastyǵyn bekitip qana qoımaı, sonymen qatar jańa bastamalardy iske asyrýǵa bastaý bolǵanyn atady.
«Ózderińiz biletindeı, ótken 2020 jyl bizdiń buqaralyq aqparat quraldary úshin óte qıyn jyl boldy. Jarnamalyq kiristerdiń shektelýine baılanysty BAQ úlken qarjylyq qıyndyqtarǵa tap boldy. Sondyqtan, birinshi kezekte biz daǵdarystyń saldaryn joıý boıynsha júıeli jumysqa kiristik. Prezıdenttiń tapsyrmasy boıynsha jáne Úkimettiń qoldaýymen memleket teńdessiz qoldaý kórsetti, sonyń arqasynda kóptegen jeke BAQ óz jumysyn jalǵastyrýǵa múmkindik aldy», - dedi mınıstr.
Mınıstrliktiń deregi boıynsha, osynaý qıyn kezeńde kommertsııalyq BAQ salyq tóleýden jáne eńbekaqy qoryna salynatyn mindetti aýdarymdardan bosatylǵan. 2020 jylǵy 1 sáýir men 1 qazan aralyǵynda 67 kommertsııalyq telearna men radıoarna 2020 jylǵy 1 shilde men 31 jeltoqsan aralyǵynda balama jáne efırlik tsıfrlyq teleradıo habarlaryn taratý qyzmetterine aqy tóleýden bosatylǵan.
«Jalpy, 2020 jyly memlekettik aqparattyq saıasatty iske asyrý 88 BAQ (11 tele jáne radıoarna, 40 basylym jáne 37 ınternet-resýrs) arqyly tabysty júzege asyryldy. Olardyń kúshimen COVID-2019-ǵa qarsy is-qımyl jáne ınfektsııany taralmaýy jónindegi sharalardy aqparattyq túsindirý boıynsha aýqymdy jumys júrgizildi. 250-den astam beınerolık shyǵaryldy. «El arna» jáne «Balapan» telearnalarynyń efırinde «onlaın sabaqtar» kórsetilimi qamtamasyz etildi. Bul balalarymyzǵa ınfektsııa juqtyrý qaýipinsiz úzdiksiz bilim alýyna múmkindik berdi», -dedi vedomstvo basshysy.