Pandemııa qashan aıaqtalady

NUR-SULTAN. QazAqparat – Jyldyń ortasyna deıin ár el halqynyń 70%-yn vaktsınalaý jospary oryndalsa, COVID-19 pandemııasynyń «aýyr fazasy» osy jyly aıaqtalýy múmkin. Bul týraly juma kúni Dúnıejúzilik densaýlyq saqtaý uıymynyń basshysy Tedros Adhanom Gebreıesýs DDSU-nyń atqarýshy keńesiniń otyrysynda málimdedi, dep habarlaıdy QazAqparat euronews-ke silteme jasap.

Alaıda, onyń sózinshe, «omıkron» – sońǵy shtamm, pandemııa aıaqtalýǵa jaqyn dep shataspaý kerek. Gebreıesýs álemde jańa shtamdardyń paıda bolýy úshin minsiz jaǵdaı jasalǵan dep sanaıdy.

Eýropanyń keıbir elderinde qalpyna keltirý protsesi júrip jatyr. Italııada kóshede mindetti túrde maska taǵý talaby alynyp tastaldy. Belgııa ashyq jáne jabyq jerlerde 12 jasqa tolmaǵan balalardan maska taǵýdy suramaıdy, sonymen qatar qashyqtan jumys isteý talabyn aldy. Bul sheshimdi juma kúni pandemııamen kúres jónindegi komıtettiń otyrysynan keıin Koroldik úkimeti qabyldady. Túngi klýbtar ashylyp, bar jáne meıramhanalardaǵy shekteýler alyndy.