Pandemııa halyqtyń psıholog mamandarǵa degen suranysyn arttyrdy

ALMATY. QazAqparat – Almaty qalasynyń psıhıkalyq densaýlyq ortalyǵynda psıhologııalyq zertteý bólimi jumys isteıdi. Onda psıhologtar koronavırýs ınfektsııasyna degen úreıdi jeńý usynystaryn ázirledi. Bul týraly Almaty qalasy psıhıkalyq densaýlyq ortalyǵynyń dırektory Sapar Rahmensheev aıtty, dep habarlaıdy QazAqparat tilshisi.

Onyń aıtýynsha, psıhologııalyq zertteý bólminde mamandar mazasyzdyq pen qorqynysh deńgeıin tómendetip, naýqastardyń psıhıkalyq densaýlyǵyn saqtaýǵa kómektesedi.

«Bizdiń ortalyqta 2015 jyldan bastap senim telefony iske qosylǵan bolatyn. Ótken jylmen salystyrǵanda bıyl túsken qońyraý sany kóp. Bul – halyqtyń psıholog mamandarǵa degen suranysynyń artqanyn kórsetedi. Jalpy, bizge jıi túsetin suraqtardyń biri – adamdar arasyndaǵy úreıdiń kóbeıýi. ıAǵnı, COVID-19 pandemııasyna baılanysty túrli úreıdiń qalyptasýy. Mundaıda eń aldymen aıtarym, qorqynyshty málimetterdi sanaǵa jınaı berýdiń qajeti joq. Ekinshiden, quzyrly organdar resmı málimet taratpaıynsha, jalǵan aqparatqa senbeńizder degen keńes aıtamyn. Sonymen qatar, bul dert jaıly kóp oılaı berýdiń de kerek joq. Bastysy, maska taǵyp, jeke gıgıena erejelerin ustanyp, áleýmettik qashyqtyqty saqtaýdy umytpańyz», - deıdi ol.

Sonymen qatar, dáriger psıhologııalyq jaǵdaıdy baqylaýǵa arnalǵan birqatar usynystar aıtty.

«Sportpen shuǵyldanýdy toqtapaý kerek. Fızıkalyq belsendilik - mazasyzdyqtyń emi. Jattyǵý adamdy jaqsy oılaýǵa, kóńil-kúıdi kóterýge kómektesedi. Júrek pen mıdyń tepe-teńdigin saqtaýǵa nazar aýdaryńyz. Ol úshin baıaý jáne tereń dem alyńyz. Sonymen qatar, ýaqytyly tamaq iship, ýaqytyly uıyqtaýdyń da mańyzy zor. Osy eki nársege ereshe nazar aýdarǵan jón. Joǵary emotsıonaldy stress kezinde aqýyzǵa baı taǵamdardy jegen abzal. Ol júıke jasýshalaryn qalpyna keltirýge kómektesedi. Adam kúnine kem degende segiz saǵat uıyqtaýy kerek. Múmkindik bolsa túski ýaqyta da demalǵan jón «,– deıdi spıker.

Sonymen qatar, ol ortalyqqa kóbine kúızeliske tap bolǵandar habarlasatynyn jetkizdi.

«Kúızelis negizi jumystyń joqtyǵynan, qarajattyń azdyǵynan paıda bolady. Sodan keıin kózdegen maqsatyna jete almaı júrgender arasynda nemese áıelinen, kúıeýinen ajyrasyp ketkender arasynda depressııaǵa tap bolatyndar bar. Osyndaı jaǵdaılarda kóbine ortalyq psıhologtarynyń kómegine júginedi», - deıdi dáriger.